Ontem à manhá, o alcaide do Porrinho Nelsom Santos estava chamado a declarar como imputado num suposto delito de prevaricaçom, pola contrataçom ilegal dum ingenieiro municipal, e por supostas irregularidades na contrataçom e pagos de obra pública, que poderíam ascender a 4.000.000 de euros.
A Assembleia comarcal de NÓS-Unidade Popular na Lourinha, convocou à vizinhança do Porrinho a secundar umha concentraçom de protesto para exigir a demissom de Santos, fundamentada no obscurantismo, incompetência e as claras mostras de irregularidades na gestom do dirigente "popular".
Desde o início da concentraçom, congregou-se um grupo de "hooligans" do Partido Popular, com notáveis ánimos de provocaçom. Sem motivo justificado, pretenderom ocultar a faixa que a Unidade Popular portava, ponhendo-se em fronte, fazendo caso omiso das advertências do serviço de ordem da nossa Organizaçom.
Tanto na entrada de Nelsom Santos aos julgados, como na saída, as pessoas concentradas tiverom que soportar as provocaçons e agresons verbais dos fundamentalistas radicais do Partido Popular. Mas o aplomo, e o saber estar da gente que NÓS-UP movimentou, evitou que as intençons dos provocadores natos do PP surtisem efeito.
De NÓS-UP, denuncia-mos publicamente a pasividade com a que agirom os membros da Garda Civil alí presentes, que evitarom em todo momento controlar aos elementos violentos e agresivos do Partido Popular, permitindo incluso que se puideram achegar às pessoas que se concentravam num evento autorizado pola subdelegaçom de governo espanhol na Galiza. Por qué será ?
Mais umha vez, a atitude do corpo armado espanhol demostrou a serviço de quem estám. Denunciamos mais umha vez a falta de liberdades individuais e coletivas que padece o povo trabalhador do Porrinho, evidenciada esta manhá nos julgados.
Lamenta-mos que nengumha força política da oposiçom institucional, se suma-se a este ato de responsabilidade política e saúde democrática. O timoratismo só reproduz pasividade e desmobilizaçom.
Pola nossa parte continuaremos dando a cara em todas as ocasons onde a classe trabalhadora seja agredida e vulnerados os seus direitos.
Corruptos fora do Porrinho !!
