O Julgado nº1 do Porrinho admitiu a trámite a querela pola irregular contrataçom dum engenheiro municipal, ao observar a Fiscalía possíveis indícios de ilegalidade e prevaricaçom por parte de Nelsom Santos.
A juiça encarregada do caso, solicitou informaçom complementar à achegada pola Fiscalia, e no quadro da sua investigaçom chamou a declarar ao interventor e ao secretário municipal do Concelho do Porrinho.
A alarma saltou quando a Cámara do Porrinho, gerida polo “popular” Nelsom Santos, contratou como pessoal fixo a um engenheiro municipal sem passar polos procedimentos habituais e legais de contrataçom, evidenciando favoritísmo, e deixando fora de concurso a vários demandantes.
As suspeitas, também se centram nas supostas irregularidades na contrataçom de obras públicas, por valor de 4.000.000 de euros.
No pleno extraordinário celebrado esta semana, o alcaide evitou dar explicaçons de como se estám a desenvolver as investigaçons, ignorando as petiçons da vizinhança. Aliás, o PP empregou a sua maioría na Cámara para tombar a proposta da oposiçom institucional, consistente na criaçom dumha comissom de investigaçom interna.
Consideramos vergonhento o silêncio de Nelsom Santos, que só se limitou a informar de que o engenheiro municipal já foi contratado baixo concurso. Mas deliberadamente evitou dizer que o concurso foi realizado quando a Fiscalía já tinha começado a investigaçom por suposta prevaricaçom. Escandaloso!!
NOS-UP exige ao PP plena transparência na gestom da Cámara Municipal
Parece-nos um escárnio que Nelsom Santos queira abrir agora umha auditoría de contas dos últimos 20 anos, sabendo que em nengum momento tem intençom de investigar os opacos e caciquis 16 anos do governo de Manuel Barros (PP).
Considerámo-lo umha medida desesperada e oportunista, mera cortina de fume, para tentar intimidar ao BNG e PSOE, polo curto período que governarom Porrinho.
A sombra do desastre paira sobre as instituiçons geridas polo PP
Todos os días saem à luz novos casos de corrupçom nas fileiras do Partido Popular, mas nom só, operaçons anticorrupçom como o caso “Gürtel”, o caso “Pokemom” ou o caso “Campeon”, deixam em evidência a situaçom real do sistema político-institucional no Estado espanhol.
Na política burguesa algo fede a podre, polo que nom nos surpreende em excesso a morna resposta e o timoratismo da oposiçom institucional.
Estamos assistindo à desintegraçom das velhas ferramentas políticas de um sistema que há que mudar de abaixo a acima.
A classe trabalhadora nom pode seguir confiando nos projetos interclassistas, que alem de roubar-lhe ao povo, defendem unicamente os interesses empresariais, bancários e do patronato.
Porrinho, 12 de fevereiro de 2013
