Segundo um estudo realizado pola ONG Transparency International (TI), dedicada a combater a corrupçom nas administraçons, as Cámaras municipais das sete principais cidades da Galiza estam muito por baixo das cento e dez urbes de todo o Estado analisadas.

O Concelho de Ponte Vedra é o pior valorado e menos transparente de todos os galegos, no que se destaca a sua opacidade nas contrataçons de serviços para o município e um grande défice em urbanismo e nas suas relaçons com as contribuintes.

De NÓS-UP podemos constatar diretamente esta falta de transparência por parte da Cámara municipal de Ponte Vedra pois nos últimos anos a nossa organizaçom solicitou cópia dos orçamentos municipais sem obter acesso aos mesmos  nem resposta às reiteradas petiçons no registo do Concelho. Grave falta de higiene democrática que já foi públicamente denunciado na altura por NÓS-UP.

O Governo municipal BNG/PSOE da boa monstra das suas graves carências democráticas ao negar o acesso à informaçom que é pública e essencial para um controlo efetivo, agindo como se o Concelho fora a sua parcela privada e particular na que fai e desfai de costas à vizinhança.

O uso destas práticas nom fai outra cousa que desacreditar as organizaçons políticas que se acham ao frente da instituiçom municipal, dando boa monstra mais umha vez da  necessidade de que a classe trabalhadora retire o seu apoio e confiança as forças sistémicas, apostando por organizaçons rupturistas e revolucionárias, nas que baixo a bandeira do socialismo e do feminismo, a classe trabalhadora seja o motor fulcral do seu agir político

De NÓS-Unidade Popular exigimos o cessamento deste obscurantismo. Demandamos a total claridom e transparência na gestom do Concelho pontevedrês que permita o acesso da vizinhança a qualquer informaçom que seja requerida com celeridade e brevidade, e que se disponham das vias que sejam necessárias para umha correta consulta das mesmas.

Ponte Vedra 24 de janeiro de 2013