Reproduzimos a denúncia de Nós-UP:
O que seria umha exigência normal, por parte de qualquer Concelho a umha empresa que se vai instalar e fazer negócio nos seus limites territoriais, como é a de contratar mao de obra da localidade, poderia agochar em Ponte Areias mais um caso de enchufismo, chantagem, corrupçom e tránsito de influências.
A empresa ELECNOR, adjudicatária das obras de instalaçom de Gás Natural em Ponte Areias, estaria a receber pressons para contratar membros do Partido Popular ou pessoas afins a este partido. A chantagem à qual estaria sendo submetida basearia-se no atrasso ou aceleraçom das concessons das licenças necessárias para as obras à cuja execuçom tem direito.
A contrataçom de M.M.O.R, número dezaoito na candidatura do PP às eleiçons municipais de 2011, poderia estar detrás destas pressons, e este nom seria o único caso.
Assim, da-se a situaçom de haver comunidades de vizinh@s que nom podem receber o serviço contratado polas demoras derivadas do interessado atrasso com as licenças.
Segundo as nossas fontes, as pressons nom ficariam aí e estám acompanhadas da solicitude aberta de dinheiro para facilitar as cousas desde a Cámara Municipal.
Além do exposto, existiria também um grupo de três pessoas vinculadas estreitamente ao governo local, que estariam a dar os passos para constituir umha S.L por meio da qual optar a fazer-se irregularmente com parte do suculento negócio.
Assim procurariam posicionar-se em situaçom de empresa subcontratável (da própria chantageada) num primeiro momento, até poder gerir por si própria a instalaçom de gás, após vencer o ano durante o qual é ELECNOR quem conta com a exclusividade para a instalaçom.
O próprio Solla passaria a fazer parte da mesma, umha vez a gestora designada por Madrid intervenha o Concelho, situaçom muito próxima segundo as mesmas fontes.
De NÓS-Unidade Popular solicitamos novamente a demissom de Solla e manifestamos a nossa total oposiçom às habituais práticas caciquistas da direita local de Ponte Areias.
Também mais umha vez denunciaremos estes factos nos julgados, aguardando que algumha das tantas denúncias apresentadas contra Salvador González Solla, provoque a sua inabilitaçom definitiva para cargo público.
Foto: EFE - Solla.
