Galiza - Causa Galiza - O próximo domingo 14 de Outubro Causa Galiza celebrará em Compostela o primeiro plenário da série programada para resituar a iniciativa soberanista no novo contexto sócio-económico e político aberto no país nos últimos meses. O processo de debate interno está-se a produzir com antelaçom nas comarcas e desembocará finalmente no encontro a celebrar em jornada de manhá e tarde na Associaçom de Vizinh@s A Juntança de Sam Pedro.
As três temáticas a abordar neste plenário som a valorizaçom do trabalho desenvolvido nos últimos meses, a análise da conjuntura actual e, por último, a possibilidade de que Causa Galiza faga algum tipo de pronunciamento com motivo do processo eleitoral que se celebrará na CAG em 21-O. Os documentos a debate já circulam desde há semanas nas distintas comarcas da Galiza e serám o material de base para o próximo Plenário Nacional.
A Associaçom de Vizinh@s A Juntança encontra-se na rua Corredoira das Fráguas, 37 no bairro de Sam Pedro em Compostela. As sessons do debate serám, inicialmente, de 10:00 a 14:00 h. e de 16:00 a 20:00 h.
Foto: Causa Galiza
Diário Liberdade é um projeto sem fins lucrativos, mas cuja atividade gera uns gastos fixos importantes em hosting, domínios, manutençom e programaçom. Com a tua ajuda, poderemos manter o projeto livre e fazê-lo crescer em conteúdos e funcionalidades.
