Excamel - a empresa do fillo do exsenador e exalcalde de Melide Manuel Pampín Rúa (PP)- suma máis de 343.000 euros en contratas coa Xunta nos dous últimos anos, unhas delas a dedo.

Un xulgado da Xunta investiga unha gravación na que o exsenador Miguel Pampín Rúa admite que a construtora do seu fillo pagou "comisións", ao alcalde de Antas de Ulla e ao ex-alcalde de Cambados e hoxe delegado da Xunta en Pontevedra, José Luís Cores Tourís, que agora vai nas listas do PP por Pontevedra. Segundo adiantou El País, foi un socio do exalcalde de Melide quen levou ao xulgado a cinta, para logo retirar a denuncia. Excamel levou contratas tanto do Concello de Antas como do de Cambados cando gobernaban os dous presuntos subornados.

U-lo expediente do contrato a dedo a Excamel?

En decembro de 2010, a Consellería de Medio Ambiente adxudicoulle sen publicidade 133.104 euros para o sellado dun vertedoiro no Páramo. A Xunta deu o contrato mediante o procedemento negociado, é dicir, sen sacar un concurso público. En teoría este procedemento obrigaba a Medio Ambiente a pedir ofertas polo menos a tres construtoras. GC non puido comprobar se a Xunta realizou este trámite, pois sorprendentemente o expediente non figura na Plataforma de Contratación, como marca a Lei.

En Xullo de 2011, a Consellería de Educación adxudicoulle a Excamel 117.902 euros para a limpeza dun CPI en Ourense. En Marzo de 2010, a construtora do fillo do ex-senador facíase cunha contrata de 199.056 euros para o suministro de auga a tres parroquias do concello de Vilamaior.

Foto: Cores Touris