A bancarrota à qual a direita local levou o Concelho é responsabilidade dele. Se bem em períodos de fluidez de créditos por parte da banca, os buracos gerados polo roubo continuado às arcas municipais eram tapados com novos créditos que beneficiavam as duas partes, com o estourido da crise e do colapso e fracasso do capitalismo a escala internacional, a realidade sai finalmente à luz.
O PP de Madrid obriga o PP de Ponte Areias a cortar três milhos de euros antes de o ano acabar, para evitar a intervençom. Em conseqüência, vam afundir mais o Concelho, sem corrigir o vexame que os perpetua: os escassos serviços existentes só fôrom utilizados para alimentar a rede caciquista, ‘colocando’ neles o pessoal enchufado e nom qualificado, degradando miseravelmente a sua qualidade. O que o PP quer impor é umha aberraçom e um atentado contra a populaçom de Ponte Areias.
De NÓS-Unidade Popular exigimos a Salvador González Solla que demita. Mas fazemo-lo nom para que deixe passar aqueles que só aspiram a incorporar à sua sigla mais um bastom de mando de mais um concelho da Galiza. BNG e PSOE, se ACIP o permitir, nom tenhem outra alternativa dentro da atual legislaçom que aplicar os cortes exigidos para evitar a intervençom.Exigimos a demissom de Solla, mas chamando ao mesmo tempo à constituiçom dumha Gestora Popular que assemblearmente e aberta à participaçom popular, permita construir coletivamente as soluçons que Ponte Areias necessita. Esse é o caminho.
Foto: Nós-UP
