Basicamente precisamos as nossas ruas e caminhos limpos e urbanizados, acessibilidade para todas as viguesas e vigueses aos serviços públicos primários (escolas, IES, centros de saúde, centro sociais, centros infantis, bibliotecas e TICs), zonas verdes, áreas recreativas e desportivas, transporte público regular e umha vivenda digna. Estes serviços e infra-estruturas som primários, porque nestes tempos som os mínimos necessários para o conjunto dumha povoaçom.

O desleixo do Concelho e da Junta é premeditado e claro. Nom lhe concedem nem a mais mínima atençom ao que nom seja o centro da cidade, inclusive as zonas de nova construçom, onde nom existe interesse nengum em manter umhas mínimas condiçons de habitabilidade.

As vizinhas e vizinhos de Návia venhem de denunciar dezenas de lugares de escombros incontrolados, lixeiras e contentores cheios de lixo, a segunda maior zona verde de Vigo abandonada, o centro de saúde à espera de abertura desde há mais de um ano desde a finalizaçom da obra, numerosos locais e vivendas vazias e vários projetos relacionados com a cultura e o desporto paralisados. Tanto a gestom da Junta como a do Concelho tenhem competências nestes agravos, mas a sua soberba resposta é o anúncio de umha nova e devastadora fase macro-urbanística na zona.

Da Assembleia Comarcal de NÓS-Unidade Popular denunciamos a política dirigida à urbanizaçom da paróquia de Navia, que esbanja enormes quantidades de dinheiro de todas e todos favorecendo os grandes construtores, alimentando os abusos do mercado hipotecário e ignorando em todo momento as condiçons de vida das nossas vizinhas e vizinhos.