Derivada da limpeza dos choupos mais achegados aos prédios, constatamos a queda de ramas de grande tamanho e peso considerável, sobre elementos do mobiliário urbano. Os danos, que se podiam ter evitado, afetárom um banco de descanso que ficou totalmente esnaquiçado, e devido ao peso do guindaste utilizado para o trabalho, afundírom-se vários sumidoiros de água. Aliás, um tramo do peche da pista desportiva que se arranjou em maio de 2011, com motivo das eleiçons, mas que levava dez anos em pésimas condiçons, sofreu um forte golpe que provocou a dobragem dos ferros e da malha.

Consideramos que os trabalhos fôrom feitos sem a supervisom oportuna, e sem ter em conta o mais mínimo critério ornamental ou estético.

Parece-nos vergonhento que de sete bancos de descanso que há, só fiquem em pé dous, e que sejam os mesmos de há vinte anos. Polo que exigimos ao regedor Nelson Santos que tome medidas ao respeito.

Manifestamos em nome da vizinhança de Torneiros, o descontento generalizado por anos de desleixo nos serviços básicos do bairro.

Reclamamos que se arranjem com a máxima brevidade os danos denunciados, e que se melhorem e alarguem as instalaçons públicas, demandando:

1º-Bancos de descanso novos.

2º-Posta em funcionamento da fonte de água pública.

3º-Alumeado na zona verde, que também é zona de passo.

4º-Modernizaçom do espaço infantil.

5º-Liquidaçom do problema de estacionamento, impulsando com os organismos pertinentes umha via alternativa à utilizaçom do carro, apostando decididamente e com determinaçom polo transporte público, sustentável e de qualidade.

Afirmamos que estas medidas som umha obrigaçom da gestom municipal, e lembramos que a vizinhança do Polígono I também paga impostos, que devem ser reinvestidos quando for preciso, e nom só com migalhas em época eleitoral.

NOM À DISCRIMINAÇOM DO BAIRRO!!