NÓS-Unidade Popular considera que a campanha que ontem concluiu em Compostela com umha manifestaçom nacional convocada pola maior parte das entidades da esquerda soberanista galega foi positiva e deve servir de ponto de partida para umha nova dinámica social e política que faga das ruas galegas o cenário principal e do povo trabalhador o protagonista da luita contra a crise e pola soberania da Galiza.
Se bem a campanha e a mobilizaçom final fôrom positivas em si mesmas, para NÓS-Unidade Popular o mais importante é a possibilidade que abrírom: o crescimento da consciência nacional ligada ao compromisso das forças soberanistas com a a transformaçom social e política. O regime corrupto e degenerado nascido com a constituiçom de 1978 como herdeiro do franquismo deve ser combatido em chave galega, independentista e de esquerda.
A crise capitalista e a ofensiva espanholizadora e ultraliberal da direita espanhola obriga a Galiza a ativar um forte movimento de massas que enfrente cada agressom e defenda cada setor do movimento popular afetado, sempre com umha perspetiva global de superaçom do sistema, mediante a ruptura democrática e a construçom nacional, que culmine num Estado galego, socialista e livre da lacra do patriarcado.
A esquerda independentista ratifica a sua disponibilidade para um trabalho em comum com todos os setores dispostos a desenvolver umha estratégia dessas caraterísticas. Consideramos que essa é a única estratégia capaz de dar a volta à atual correlaçom de forças favorável ao reacionário regime espanhol e avançar na conquista da liberdade nacional e social de género para a Galiza.
Esperamos que a campanha culminada ontem suponha o início de novas iniciativas conjuntas que situem a esquerda e a soberania política no centro da luita nas ruas galegas, contra as privatizaçons, os cortes de serviços públicos e a espanholizaçom do nosso país.
Nessa estratégia, nunca faltará o contributo aberto, construtivo e sincero da esquerda independentista representada por NÓS-Unidade Popular.
Direçom Nacional de NÓS-Unidade Popular
