A esquerda independentista e socialista galega manifesta a sua adesom o conjunto de atividades que decorrerám 29 de dezembro em Ponte Vedra, que culminarám com a manifestaçom nacional que sairá às 19h da Praça da Ferraria e, posteriormente, com o jogo de futebol entre a Galiza e o Curdistám.
Perante o total abandono por parte da Junta da Galiza do PP, é um êxito que, ano após ano, a auto-organizaçom popular logre manter com força a reivindicaçom de seleçons nacionais oficiais, reivindicaçom democrática que o Estado espanhol teima em negar.
A crise do regime espanhol, acelerada pola crise do capitalismo, está a provocar umha reaçom do espanholismo que tem no desporto um dos seus máximos expoentes. Por isso é mais necessário que nunca que a Galiza dê umha resposta coletiva firme e clara. Somos umha naçom e temos direito a competir internacionalmente em todos os desportos.
NÓS-Unidade Popular recolhe esta reivindicaçom no novo Programa Tático para a Rebeliom Popular (PTRP), incluindo-a no quadro das medidas que um Governo obreiro e popular, patriótico e feminista deve adoptar para impulsionar o processo de construçom nacional e de ruptura com Espanha, o capitalismo e o patriarcado:
"Criaçom de estruturas federativas próprias a fim de que @s noss@s desportistas podam concorrer em competiçons internacionais de caráter oficial. Facilitará-se a criaçom de instalaçons adequadas às demandas d@s desportistas de elite galeg@s".
Umha naçom, umha seleçom!
Direçom Nacional de NÓS-UP
Galiza, 26 de dezembro de 2012
