Mas um ano, as forças aéreas espanholas montarám um indecente show em plena ria de Vigo. NÓS-UP manifesta a sua rotunda oposiçom à décima ediçom da exibiçom aérea que domingo 22 de julho alterará o lezer e descanso de dezenas de milhares de trabalhadoras e trabalhadores.

A Assembleia Comarcal de NÓS-Unidade Popular de Vigo considera inadmissível o esbanjamento de fundos públicas para financiar este tipo de eventos que só pretendem a promoçom do militarismo.

A poucos dias dos duríssimos cortes sociais e do incremento impostivo sobre o povo trabalhador, e da maré humana que percorreu as ruas de Vigo manifestando a enérgica oposiçom da maioria socia as medidas adotadas polo governo do PP, é insultante que o governo do PSOE siga a promover este "festival aéreo".

Novamente fica em entredito a falsa austeridade que falsamente Abel Caballero afirma defender. O Concelho de Vigo subsidia o evento com 70.000 euros -20.000 euros diretamente das arcas municipais, e 50.000 euros indiretamente por meio de Aquália.

Com esta verba, o Concelho de Vigo poderia ter criado, por um período de um ano, um mínimo de quatro postos de trabalho, ou subsidiar iniciativas populares de caréter desportivo, cultural ou juvenil.

Também fica novamente questionado o apoio político emprestado polo BNG para que o governo do PSOE aprovasse recentemente os orçamentos municipais de 2012.

Ou é que Santi Dominguez, e resto de vereadores do BNG, secundam este tipo de iniciativas que contribuem para a poluiçom atmosférica, militarizaçom e espanholizaçom social?

NÓS-UP de Vigo saúda as diversas iniciativas populares que se tenhem manifestado contra o "festival aéreo".

Vigo, 21 de julho de 2012