Este ano apresenta-se umha situaçom diferente a de anos anteriores. Com um Estado espanhol em contínua ofensiva repressiva contra o independentismo revolucionário galego, em particular, e contra os movimentos populares, em geral. Também voltamos repetir a necessidade de luitar polo nosso direito a manifestar-nos de maneira livre pola cidade de Compostela, ontem como hoje, enfrentamo-nos à necessidade de reivindicar que as ruas da Galiza som para as galegas e nom para os políticos, a especulaçom e o mercadeio.
Desde o último 24 de Julho, militantes galegas sofrirom a repressom da que falamos, e quatro delas continuam seqüestradas a centos de quilometros da Nossa Terra, fazendo um total de sete patriotas e companheiras seqüestradas. Neste dia tam especial para toda galega, é um dever para com elas, recordá-las e mencioná-las.
O ano passado, por primeira vez trás várias convocatórias, a Rondalha consigueu sair e entrar na zona velha de Compostela, para monstrar a nossa mensagem no centro da nossa Capital. Mais isso nom foi o único, já durante todo o dia, a mocidade combativa já estivera concentrada na Praça 8 de Março durante todas as atividades convocadas por a nossa organizaçom e, com o galho da celebraçom da Cadéia Humana de CEIVAR, também na Praça da Galiza.
Este ano pretendemos continuar por este caminho. A celebraçom duns atos diários e a finalizaçom na Rondalha, este foi sempre o nosso caminho desde a eliminaçom do concerto noturno, e a nossa aposta por transformar o 24 de Julho num Dia de Luita, nom numha simples véspera do Dia da Pátria. A nossa opçom foi, é e será reivindicar a nossa capital dumha futura Pátria Libertada.
A XVIII Rondalha da mocidade com a bandeira começará às 14.30h com a celebraçom do já tradicional jantar popular de confraternizaçom. Após o jantar, arredor das 17.00h teremos a opçom de participar em vários jogos populares e de escuitar música tradicional. Às 20.00h, animamos toda a mocidade combativa a participar na V Cadeia humana pola liberdade dos presos independentistas galegos convocada polo organismo popular anti-repressivo Ceivar. Sobre as 21.20h depois do remate da Cadeia humana, contaremos com a atuaçom do grupo viguês de Keltoi! Trás a sua atuaçom, sobre as 22:15, realizaremos o nosso ato político. Depois deste começará a Rondalha com o mesmo percorrido que o ano passado.
Da AMI animamos a toda a mocidade revolucionária e combativa do nosso País a que acuda aos nossos atos do dia 24. Nom é simplesmente umha véspera do Dia da Pátria, é um dia em que a mocidade se manifesta por umha Terra Nossa.
Viva a Galiza ceive, socialista e feminista!
Viva o 24 de julho, dia de luita!
ESPALHADES MISÉRIA, SEMENTADES RESISTÊNCIA!
