Galiza - Candidatura do Povo - Achega-se o Dia da Pátria e a Candidatura do Povo encoraja à vizinhança a pendurar a bandeira galega em janelas e varandas como expressom de identificaçom com a nossa naçom, autoestima coletiva e reivindicaçom de um futuro de autêntica liberdade e democracia para a Galiza. Pretendemos que as fachadas de Compostela luzan neste 25 de julho como as da capital de um Povo com identidade e orgulho de si próprio, em troca de um destino turístico espanholizado e pronto para consumir.
Con esta iniciativa, a Candidatura fai sua umha prática que decenas de vizinhos e vizinhas da cidade já desenvolvem espontaneamente todo o ano e, sobretodo, nas proximidades do Dia da Pátria: manifestar a nossa singularidade nacional e a reivindicaçom de soberania política para a Galiza. Centros sociais da cidade, locais hoteleiros nacionalistas, associaçons, sindicatos, etc. som alguns dos lugares onde poder adquirir a simbologia galega quem quiger participar desta iniciativa coletiva.
NAS NOSSAS CASAS, A GALEGA!
Diário Liberdade é um projeto sem fins lucrativos, mas cuja atividade gera uns gastos fixos importantes em hosting, domínios, manutençom e programaçom. Com a tua ajuda, poderemos manter o projeto livre e fazê-lo crescer em conteúdos e funcionalidades.