Foto de Pilar Ponte (CC by-nc-nd/2.0/) - Percussom
O Trofeu Internacional Guinness para Percussom viajou da Bretanha para a Galiza logo de que a banda El Trasno, da eu-naviega vila de Coanha, vencesse no prestigiado festival de L'Orient nessa modalidade. Foi num concurso em que também participárom formaçons do país anfitriom, da Escócia e da Irlanda.
A banda galega incorporou ainda elementos doutras culturas, como a txalaparta basca, e juntou tradiçom com modernidade, através de instrumentos de criaçom própia com novos materiais.
Três pandeiretas (Yobana Álvarez, Sofía Infanzón e Andrea García), tres caixas (Virginia Pérez, Carolina Fernandes), um tamboril (Javi Tejedor), dous timbales (Bárbara Gudín e Cristina Fidalgo, Chefi) e bombo (Miguel Gracia), para além da colaboraçom do músico Juanjo Díaz, fôrom dirigidos por Javi Tejedor para atingir a vitória com um pouco convencional 'Solo number five', composiçom do diretor da banda e já publicado em trabalhos discográficos da mesma.
O juri avaliou, no concurso de passado dia 15 de agosto, positivamente a criatividade do grupo, a técnica, a variedade rítmica e a compenetraçom das e dos galegos, que enfrentarám a seguir umha intensa agenda internacional de concertos. Também entregou o segundo posto à bretá Grandlon Pipe Band.
O Guiness
Com 26 anos, o Trofeu Guiness tem modalidade de percussom e de gaita, embora a primeira delas é a única aberta a conjuntos galegos - porquanto a de gaita requer uso das gaitas escocesas.
