O Centro Social Mádia Leva! despedirá hoje no seu local da cidade de Lugo os cursos, polas férias do verao. Será com umha foliada a partir das 20h30.

O coletivo luguês celebrou ao longo de todo o ano académico inúmeros cursos, tanto regulares (como os semanais de gaita, pandeireta, tamboril e bombo tradicional, baile tradicional e pilates) como pontuais, entre os quais se contárom um obradoiro de fiado com lá de ovelha ou um outro de plantas medicinais.

Nom será a única atividade relevante em que o Mádia Leva! participará proximamente: a XXXVI ediçom do mítico Festival de Pardinhas, com artistas como Nao ou Sés no cartaz, terá polo oitavo ano consecutivo umha barraca do Centro Social. Será nos dias 1 e 2 de agosto.