O CS do Pichel em Compostela e o Lume! em Vigo, proponhem a celebraçom do Magusto e do Samaim.
Compostela: Magusto e festa até que o corpo resista
Castanhas e música durante todo o dia. No 8 de Novembro no C.S O Pichel haverá festas desde a 13h30 ate que o corpo resista.
O programa completo é:
- 13h30 Sessom vermú com o DJ HADRIH
- 14h30 Jantar de petiscos outonais
- 18h30 Magusto pequeninho da Semente Compostela com actividades para crianças
- 19h Obradoiro de Torta de Castanhas por Marie Lacassagne
- 20h30 Parolada com Xurxo Souto. "S.Martinho vs. Merlim" ou de como este tempo de castanhas e calacús guia-nos diretamente à Alta Idade Media e a luita entre a nova e a velha religiom, com Martinho de Dume como protagonista principal.
- A partir das 21h30 MAGUSTO com música tradicional e ceia de petiscos de outuno.
- 22h30 CONCERTO: OS TRES TREBONS com Os Homes sem Medo
- 00h30 FOLIADA ABERTA, (leva o teu instrumento e soma-te à festa).
Vigo: Semente Vigo e Lume! juntas na celebraçom
Do Lume! convidam a participar na próxima sexta-feira 31 de outubro a partir das 18h30 na Festa de Samaim, à qual vai aderir a Semente Vigo, e cujo programa inclui um obradoiro de cabaças e animaçom para as crianças. Depois, a festa nom terminará: haverá ceia às 21h. (precisa de inscriçom prévia), festa e queimada para todas e todos.
Ponte Vedra terá magusto da LEG
A primeira cita será na quinta-feira (30/10), dia em que a Liga Estudantil Galega organiza conjuntamente com estudantado de Restauraçom um Magusto popular. Será no bar Entre Lusco e Fusco (rua Barom 13) a partir das 20h, e terá petiscos e, naturalmente, castanhas.
