O Ateneu Ferrolano tem-se caraterizado, durante as últimas décadas, por constituir um espaço aberto a todo o tecido associativo ferrolano, cedendo as suas instalaçons e colaborando sem exclusons com qualquer coletivo da nossa cidade.

Dessa forma, constituiu-se em ferramenta ao serviço do povo e da cultura livre, nom dependente de elitismos, clientelismos e amiguismos: a antítese do modelo cultural promovido polo Partido Popular.

Esse é um dos motivos de fundo para que o governo de Jose Manuel Rei ataque a autonomia da entidade, usurpe as suas instalaçons e tente afogá-lo economicamente, negando-se a colaborar na sua viabilidade económica.

O outro motivo é a aposta privatizadora e a ofensiva contra todo o que se situa no ámbito público e fora do mercado. Há muito que conhecemos a tendência "natural" do PP a entregar a empresas privadas a gestom dos serviços públicos e a cultura nom ia ser umha exceçom. Daí que tente desarticular a estrutura cultural pública e popular que o Ateneu representa de maneira sobranceira.

Por todo o anterior, a esquerda independentista galega tem claro de que lado se situa no conflito entre o PP e o Ateneu Ferrolano, qué um conflito entre a máfia neoliberal e a resistência cultural feita por e para o povo.

NÓS-Unidade Popular quer manifestar o seu pleno apoio ao Ateneu Ferrolano e às suas trabalhadoras e trabalhadores, somando-se à mobilizaçom convocada para esta terça-feira, dia 16, às 20 horas na praçado Concelho.

Fazemos um apelo ao povo de Ferrol para que nom abandone o Ateneu Ferrolano nesta luita, que é umha luita da maioria contra a elite corrupta e direitista que o PP representa.

Salvemos o Ateneu!

Defendamos a cultura pública, galega e popular!

Assembleia Comarcal de NÓS-Unidade Popular em Trasancos

Ferrol, 14 de setembro de 2013