Berta Dávila (Santiago de Compostela, 1987) é autora de libros de poemas como Corpo baleiro (2007) ou Raíz da fenda (Xerais, 2013), Premio Johán Carballeira de poesía. No eido da narrativa iniciouse coa novela Bailarei sobre a túa tumba (Premio Biblos de novela, 2008), á que seguiu o libro de relatos A arte do fracaso (2010), traducido ao castelán e ao xaponés. Recibiu o Premio de Narrativa Breve Repsol no 2013 pola novela O derradeiro libro de Emma Olsen, editada por Galaxia a finais do mesmo ano.
Elvira Riveiro Tobío (Pontevedra, 1971) publicou Andar ao leu (2005), Arxilosa (2005), Palabras brancas (2008), Biografía da Multitude (xunto con Silvia Penas, 2009), carnia haikai (2012), corpos transitivos (2013) e As redes de Inés (2014). Ten ademais poemas e relatos publicados en diversas revistas, libros colectivos e antoloxías. Tamén colabora en proxectos de videocreación, performance e recitais coa dj alemá Carina Posse. Le Roi e Martin Wu, músicos de Grampoder. Fan rock portátil, e antes estiveron en grupos como The Homens, Stay Pretty ou Fame Neghra.