O livro foi escrito por Alexandre Cadarso Suárez, professor de gaita e requinta na AC Follas Novas de Ames, que conhece e partilha experiencias musicais com o senhor Malhou na década de 80. Alexandre também é impulsor da difussom da música tradicional dedicando esforços importantes à organizaçom de cursos, jornadas, foliadas e outras atividades de promoçom da música tradicional galega como cultura viva. Tem escrito outros livros como A Requinta Adobada.
A Gentalha do Pichel é umha associaçom cultural que desde hai nove anos vem dinamizando a vida social e cultural da cidade compostelana oferecendo e reivindicando um lazer alternativo e em galego. Entre os diferentes propósitos deste colectivo está o de mostrar, difundir e desfrutar da cultura tradicional galega assi como o de fomentar o conhecimento de novas produçons culturais da Galiza em particular e da Lusofonia em geral.
Para mais informaçom podedes consultar no blogue da Gentalha: www.gentalha.org ou visitar o Centro Social de segundas a quintas de 18h00 a 11h00 e sextas e sábados de 19h00 a 01h30