Icann (siglas em inglês da Corporaçom da internet para a atribuiçom de nomes e números), a organizaçom responsável de atribuir os endereços do protocolo IP, fará realidade em breve o domínio .gal, no marco da aprovaçom de um novo pacote com centos de extensons, entre as que figura a reivindicada pola Galiza.

A consecuçom da extensom galega, lembram da agência EFE, que deu esta nova, pom o ramo a um longo processo iniciado há cinco anos e que está a revolucionar os registos de sites de empresas, organizaçons e territórios.

Para ser aprovado um domínio, este tem que pasar por um longo e complexo processo de validaçom. Se bem a aprovaçom de .gal será efetiva nas vindouras semanas, nom estará operativa até começos do ano que vem.

Segundo informa esta mesma agência, entre as extensons que se aprovarám em breve figuram, para além de .gal, a de .eus, .berlin, .madrid ou .bank.

Pontogal

A conquista do .gal e a visibilizaçom da Galiza nas redes com domínio propio é fruto, en grande mérito, do trabalho desenvolvido pola associaçom Pontogal. Esta associaçom defínese como "uha iniciativa que pretende conseguir para a língua e a cultura galegas un dominio propio en internet e, através dele, umha maior visibilidade e presença do povo galego na rede e no mundo".

Num comunicado, Pontogal sinala que 

a ICANN "vén de publicar a lista final de candidatos a novos dominios sobre os que pende algunha queixa formal por parte da ICANN, outras candidaturas ou membros da comunidade da Internet. Graças ao apoio de toda a sociedade galega a candidatura, o .gal nom figura nesa lista. Aliás, tampouco está na lista, publicada hai uns días, de candidaturas sobre as que os gobernos que participan na ICANN expresan dúbidas. Neste sentido, o .gal logrou o respaldo das administracións locais, autonómicas e estatais".

O .gal está respaldado por máis de 13.700 persoas e 110 institucións de todo o país; entre elas figuran os organismos máis relevantas da cultura galega (Real Academia, Consello da Cultura), as tres universidades, ducias de asociacións culturais de base, vinte asociacións de emigrantes baseadas en Europa e America, empresas tecnolóxicas, medios de comunicación, etc.

Afirman, aliás, que "o .gal é o dominio que debe correspondernos como comunidade con fortes vencellos lingüísticos, culturais, históricos, sociais... unha especie de sufixo co que identificar en internet as páxinas escritas en galego e que, tendo en conta a nosa dispersión no mundo, non se circunscriba a un ámbito territorial concreto. A proposta, tecnicamente viable e económica, social, lingüística e culturalmente rendible, encádrase nos dominios de primeiro nivel esponsorizados. É a que defende Asociación PuntoGal co apoio das entidades que a integran e de todas aquelas persoas e organizacións que seguen sumándose día a día no apoio a esta iniciativa"