A Fundaçom Artábria costuma dedicar umha programaçom específica à Revoluçom dos Cravos portuguesa cada mês de abril. Nesta ocasiom, junto ao teatro humorístico e à música, a gastronomia de Portugal será protagonista da homenagem ao 25 de abril.
No dia 12, a dupla teatral Mofa e Befa apresentárom o seu célebre 'Cozinha económica'. Já no sábado 13 de abril, Xosé Constenla levou a música de intervençom ao ferrolano Centro Social do bairro de Esteiro.
Para 19 de abril foi marcada umha 'Repichoca Ártabra', um clássico da Fundaçom Artábria desde 1998, que após uns anos de ausência volta a trazer a música popular espontánea da comarca. Será a partir das 22 horas.
Por último, no dia 27 de abril, polas 22 horas, o ato central da Homenagem à Revoluçom de Abril: umha ceia portuguesa, com produtos de qualidade elaborados para a ocasiom.
