A nova produçom do CDG contará com Manuel Manquinha, no personagem de Ele, e Eva Souto como Ela para lhe darem vida aos protagonistas da obra com a que Roberto Vidal Bolanho ganhara o Prémio Rafael Dieste em 1992. O relato em que se reconstroi umha história de amor com o Caminho de Santiago como paisagem completa o elenco com Felisa Segade, Borja Fernandes e Sérgio Zearreta. O filho do autor homenageado no Dia das Letras Galegas, Roi Vidal, encarrega-se da asistência à direçom.
Nessa mesma noite, em Teu, a Ultranoite do Aqui dará um tom diferente à homenagem a Vidal Bolanho. Temas de atualidade desta volta com umha “olhada Bolanhana” com a que a companhia Chévere se soma à comemoraçom do companheiro do teatro os dias 5, 6 e 13 em Teu, o 19 e 20 na Crunha e o 26 e 27 em Ponte Vedra.
A reapariçom das súas companhias
Duas companhias fundadas por Roberto Vidal Bolanho voltam aos palcos -em coproduçom com o CDG- com obras suas e equipas vencellados persoalmente cun autor que está na origem do teatro profissional e dinamizou o ámbito dramático durante décadas. Teatro do Aqui -a última companhia que Roberto Vidal criara com Belém Quintáns- estreará a 19 de abril em Narom Criaturas con direçom cénica de Evarisco Calvo e um elenco em que participam Belén Constela e Joám Carlos Mejuto -que já estiveram na montagem de 1999- mais Marcos Orsi e Vicente de Sousa. Será pouco depois quando Teatro Antroido leve a cena Bailadela da morte ditosa o dia 12 de maio na Corunha. Vidal Bolanho fundara a companhia em 1978 junto a Laura Ponte que participa da produçom dirigida por Roi Vidal, filho de ambos.
Tambén a companhia Espello Cóncavo regresa con Anxelinhos sob a direçom de Arturo Lopes e com um quadro de pessoal composto por Fernando Morám, Rodrigo Roel, Estíbaliz Veiga, Mánu Fernandes, Isabel Risco e Luzbel Pardavila. A companhia dirigida por Artur Lopes volta com umha obra que produzira há seis anos e que figera girar de novo polos teatros galegos a obra do autor que nestes meses ocupará boa parte das próximas estreias teatrais. Teatro do Noroeste de Eduardo Alonso e Luma Gomes recuperará a peça infantil Touporroutou da lua e do sol, enquanto que as aulas de teatro universitárias também preparam as suas homenagens sobre o palco a Roberto Vidal.