Pola noite, às 22:30, comeá a Noite nas Minas com a actuaçom de Sés. Ao remate servirá-se um caldo verde e haverá repichoca e festa. Esta actividade é a única de pagamento (10 euros), e ainda ficam disponíveis algumhas localidades, que se podem reservar no correio electrónico scdcondado@scdcondado.org.
No sábado as actividades começam de manhá com um passa-ruas, umha feira de artesanato e associaçons, e umha mesa redonda na que repressentantes dos sindicatos CIG e CUT e da Assembleia de Parados/as do Porrinho debaterám sobre as possíveis saídas à crise. Será às 13:00 na Casa do Conde.
A tarde estará centrada na Festa Infantil, desde as 17:00 hh., e às 19:30 vam-se projectar as curtas premiadas no Festival de Cans deste ano. O Festival Poético e Musical começará às 21:00. Apresentado por Clara Gayo e Íria Pinheiro, na ediçom deste ano apresentarám os seus textos Daniel Salgado, Xiana Arias, Roi Vidal, Eduardo Estévez, Ramiro Vidal, Susana Sánchez Aríns, Gonzalo Hermo, Silvia Penas, Claudio Rodríguez Fer e o moçambicano Adelino Timoteo. Na parte musical estarám O Sonoro Maxín, Cuchufellos, Sacha na Horta e Dios Que Te Krew.
Como cada ano, a SCD edita umha compilaçom de textos dos e das poetas participantes que se poderá adquirir nos dias do Festival. Ademais, disponibiliza todo tipo de serviços para o público, como campismo, duchas, etc., de balde.
Evento na Agenda da Liberdade
Foto: SDC Condado
