Xavier Gomes Noia voltou a demonstrar em França que é um claro aspirante ao ouro nas Olimpíadas que de aqui a umhas semanas vam ter lugar na Inglaterra. Um aviso de que está em boa forma e disposto a atingir para a Galiza um ouro olímpico. Infelizmente, a proibiçom espanhola de a Galiza ter seleçons nacionais próprias, como sim tenhem as naçons sem estado do Reino Unido, Escócia, País de Gales, Irlanda do Norte e Inglaterra, vai obrigar a Gomes Noia a competir com a camisola do Reino de Espanha.

O ferrolano ganhou neste sábado o Triatlo de Paris, umha prova que se disputa na modalidade conhecida como 'sprint' (750 metros nataçom, 20 quilómetros de bicicleta e cinco mais de corrida a pé), aventajando na linha de meta em três segundos o português João Pereira.

Alistair Brownlee, triatleta británico que nestas olimpíadas joga na casa, é o homem principal rival  do galego, que nesta ediçom quer esquecer o acontecido na China, onde ficou quarto, e fora do pódio, quando todo o mundo o tinha como máximo favorito.