Em plena crise capitalista, a burguesia segue a botar acima da classe trabalhadora as conseqúências de umha crise que ela mesma provocou; umha crise que vem confirmar, mais umha vez, o fracasso do capitalismo a nível mundial, a sua impotência humanitária, a necessidade da exploraçom da maioria social e a destruiçom do meio ambiente.

Num contexto de contínuas mobilizaçons fracassadas polo pactismo e a capitulaçom dos sindicatos, que ignoram a necessidade de impulsar luitas imediatas face a perda de direitos da classe trabalhadora, ERE's, deslocalizaçons de empresas, aumento imparável do desemprego e a precariedade, volvemos a reivindicar, mais do que nunca, a necessidade de derrubarmos este sistema e construir a alternativa socialista.

E por isto que o 1º de Maio de este ano tem umha importáncia esencial à hora de deixar claro qual é a força de classe que representamos, quais som os objectivos imutáveis.

Animamos-vos a participar neste jantar, que terá lugar no parque florestal de Beade por volta das 15h, após a manifestaçom que decorrerá desde A Doblada à Porta do sol.

Para apontar-se, chamade a: 671644308 ou enviade um correio a: eventos@sementevermelha.org.