Nascido na paróquia de Tebra, o também Prémio Nacional de Literatura, é um propagandista entusiasta da sua terra mae. Embora nom publicasse um livro desde 2009, este europeísta convencido escreve todos os dias e leva tempo a trabalhar numha formulaçom moderna da doutrina galeguista no novo marco da UE: "É federalismo aplicado à realidade galega", explica numha recente entrevista concedida a B.R. Sotelino.

Sempre direto nas suas opinions, sem casar com ninguém, Franco Grande nom vê por nengures que as cousas vaiam a melhor no território da criaçom literária e tampouco se mostra optimista sobre o futuro do galeguismo e mesmo do peso da Galiza, muito por detrás da Catalunha e do País Basco: "Creio que vam por caminhos distintos as reivindiçons inteletuais e a política, enormemente atrasada na Galiza. Enquanto nom mudemos os políticos do país, o país nom vai mudar muito. Estamos em maos de pessoal totalmente inútil".