Umha azeda e delirante crítica a que em Ordes se celebre a festa dum produto que nom se produz na comarca, própria do género de escárnio e a tradiçom ánti-caciquil. Durante todo o fim-de-semana a A.C. Foucelhas repartirá grátis mil exemplares da banda desenhada.
O autor, Pedro Fernández Faya, é um artista de Ordes que trabalha como técnico de impressom de La Voz de Galicia. Expujo a sua obra pictórica, na qual destaca a paisagem galega, no Pub Arcos e no Centro Comarcal de Ordes. Na banda desenhada alternativa publicou “O señor dos tornillos” parodiando a Tolkien, e um par de fanzines: “Invasión vikinga” e “Gran Hermano vikingo”. Colaborou também no terceiro número de Segrel, Revista Literaria da Terra de Ordes, editada no verao de 2006. Agora publica com a A.C. Foucelhas esta banda desenhada que bem podemos qualificar como de escárnio e maldizer, na tradiçom da crítica ánti-caciquil galega.