En San Sadurniño están a levar un proxecto pioneiro de recollida de lixo, que consiste en recoller as diferentes fraccións do lixo separadas e porta a porta, a fracción orgánica non se recolle as veciñas e veciños poden solicitar un composteiro para compostala ou ben utilizar o método tradicional da esterqueira ou alimentación animal.
Este proxecto púxose en marcha nunha ruta do camión concretamente nas parroquia de Ferreira nos núcleo de Raña, O Coto, A Gándara, Penavidreira, Piñeiros, Os Pontigos, Couce da Fraga, Lapas, Santiso, As Filgueiras, O Xestal, O Rosoiro, O Chao de San Cristovo, O Sumeiro, Caínce, A Picheira, O Hedreiro e Amido.