Reproduzimos o comunicado assinado por 14 forças políticas, ecologistas e vizinhais de Ferrol, entre elas NÓS-Unidade Popular, reiterando a oposiçom à instalaçom dum "tanque de tempestades" no Parque público Pablo Iglesias.
Advertimos novamente sobre o absurdo da instalaçom dum "tanque de tempestades" no parque público Pablo Iglesias; essa instalaçom nom deve estar sediada nesse lugar tanto por respeito aos direitos da vizinhança e do conjunto do povo de Ferrol a um parque de ocio infantil e de desfrutar de zona verde sem infraestruturas molestas, como pola própria inutilidade dessa instalaçom para cumprir o fio para o que tecnicamente está desenhado. Essa obra – e o tempo o demonstrará- é desperdiçar o dinheiro dum jeito inútil dentro dum plano de saneamento que hoje em dia nom cumpre com a normativa europeia, estatal e autonómica de tratamento e separaçom das áugas fecais e residuais urbanas, e que adoece ademais doutras carências, deficiências e incoerências.
Estas afirmaçons que fazemos podem ser demonstradas, e assim o som num estudo completo que um grupo de cidadaos com conhecimentos profissionais e experiência tem elaborado, e que está sendo objeto de explicaçom e debate nas "Jornadas sobre saneamento da Ria de Ferrol: presente e futuro" que se vem celebrando na nossa cidade desde o dia 30 de outubro. Jornadas às que por certo NENGUM REPRESENTANTE DO GOVERNO LOCAL se digna a assistir, mália estar convidados com muito interesse pola nossa banda e com o convencimento de que estám a perder a oportunidade de recolher umha informaçom de grande nível e rigor que renunciam a conhecer e contrastar.
Nom obstante, reiteramos o convite ao Alcaide para que assista às sessons que ainda restam destas jornadas e para que quando menos se moleste em conhecer as nossas conclussons. É a mínima mostra de respeito que pode amossar quem cobra do erário público cara o esforço desinteressado da vizinhança e coletivos ecologistas que estamos a trabalhar pola defesa dos direitos e do interesse coletivo, em lugar de favorecer o interesse de empresas privadas que sim adoitam inflar os gastos de investimento e de mantemento de obras e serviços pagos com o dinheiro de todos. O Plano de saneamento que nos ocupa deve ser revisado e modificado com urgência, e nós temos importantes aporataçons que fazer ao respeito, tal e como inclusive lhe trasladamos numha entrevista à equipa autora dos estudos e cálculos que -com "erros" documentados- justificam a construçom dos tanques de tormentas em dito plano.
Que fique claro que nos preocupa, e muito, que a nossa ria seja protegida com um plano de saneamento integral digno desse nome e que cumpra realmente a sua funçom, que nom é outra que frear a sua contaminaçom, ademais de ser umha obriga das administraçons e do conjunto da cidadania que vivemos no seu entorno, e implica investimentos milionários de dinheiro público que nom pode volver ser esbanjado como vem ocorrendo nos últimos 20 anos. Mas clareado o anterior, também dizimos que nom renunciamos a que se respeite a legalidade urbanística municipal e supramunicipal que afeca a este parque e mais a possibilidade de acodir à OLAF-CE (*) para que Europa conheça como se estám a investir o dinheiro público que vém dos seus orçamentos através dos fundos FEDER.
ADEGA, Comisión Medio Ambiente A.VV. "El Pilar", Sociedade Galega de Historia Natural e Verdegaia
Apoiam o comunicado: Colectivo Artabra21, Espazo Ecosocialista, Fuco Buxán, NÓS-Unidade Popular, EQUO Ferrolterra, Compromiso por Galicia Ferrolterra, Executiva PSOE de Ferrol, Anova, Esquerda Unida e BNG.