Galiza - Verdegaia - Verdegaia vén de enviar por rexistro unha solicitude de información en relación á captura de gaivotas patiamarelas (Larus michaelis) realizada recentemente por cetreiros nas instalacións portuarias de Vigo e dirixida á Dirección Xeral de Conservación da Natureza da Consellaría de Medio Ambiente, Territorio e Infraestruturas da Xunta de Galicia e á Xefa Provincial do Servizo de Conservación da Natureza de Pontevedra pertencente á Delegación de Pontevedra da citada Consellaría.
Á nosa asociación chegaron fotografías de cetreiros capturando e introducindo en vehículos varias gaivotas patiamarelas no porto vigués. Descoñecemos a existencia de autorización para estas capturas, así como o destino das aves capturadas e o obxecto de tales procedementos.
Dende Verdegaia solicitamos a información relativa ás posibles autorizacións que para captura de fauna salvaxe, como é a gaivota patiamarela, se teñan concedido durante o presente ano 2013 en Galicia. Tamén solicitamos a xustificación correspondente, precisa segundo a lei 9/2001 de Conservación da Natureza de Galicia.
Foto: Pilrita / Flickr - Alguns direitos reservados
Diário Liberdade é um projeto sem fins lucrativos, mas cuja atividade gera uns gastos fixos importantes em hosting, domínios, manutençom e programaçom. Com a tua ajuda, poderemos manter o projeto livre e fazê-lo crescer em conteúdos e funcionalidades.
