O Conselho da Junta aprovou quinta-feira o plano de recuperaçom do sapo-concho (Emys orbicularis ou galápago europeu), o réptil mais ameaçado de extinçom da Galiza e do que só resta um centenar de adultos.
O sapo-concho comum é um réptil eminentemente aquático que vive preferentemente em águas estancadas ou de leve corrente. Segundo Meio Ambiente, o sul leste do país é o que apresenta um melhor estado de conservaçom. Por mor deste baixo número de exemplares, a espécie é muito sensível à mortalidade de exemplares adultos, que se pode produzir por açom de depredadores -fundamentalmente espécies exóticas como o visom americano ou a perca americana-, por atropelos ou por captura direta de exemplares para usá-los como animais de estimaçom.
Atualmente só se podem atopar na Bacia do rio Arnoia (concelhos de Alhariz, Xunqueira de Ambia e Banhos de Molgas), na Bacia do rio Ávia (concelhos de Riba d'Ávia, Beade, Leiro e Cenlhe), nas Gándaras de Budinho, na bacia do rio Louro (concelhos do Porrinho, Tui e Salceda de Casela), nas charcas de Olveira, no Parque Natural Complexo do Parque Natural Complexo Dunar de Corrubedo e nas lagoas de Carregal e Vixám (concelho de Ribeira).
Causas da regressom
As causas principais da súa regresión, segundo a Conselharia de Meio Ambiente, som a captura para a venda como animal de estimaçom; a morte em nasas de pesca; a existência de espécies exóticas invasoras nas suas áreas de presença ou a fragmentaçom de humidais, especialmente na povoaçom presente nas Gándaras de Budinho. Todos estes impactos, tanto sobre a espécie como sobre o seu hábitat, fam necessário tomar medidas para evitar a sua extinçom na Galiza através de um plano de recuperaçom. O que hoje aprovou o Conselho da Junta é o anteprojeto de decreto que dá o visto e prace ao plano de recuperaçom.
O decreto aprovado hoje pola Junta, com a sua catalogaçom como especie en perigo de extinción, significa a proibiçom, salvo autorizaçom expressa, de qualquer actuaçom com o propósito de darlle morte, capturalo, perseguilo ou molestalo intencionadamente. Tamén, se non se ten autorizaçom expressa, está proibida a exposiçom para venda, importaçom ou exportaçom de exemplares silvestres, vivos ou mortos, así como os seus restos. Así mesmo, é proibida a sua disecaçom, exceto em caso de fins científicos ou educativos, e prevê-se a possibilidade de restringir temporalmente o acesso de visitantes em período e lugares considerados críticos para a sua sobrevivência e também obriga à Conselharia a elaborar um plano de recuperaçom da espécie, que é o objeto do decreto que hoje se acordou.
Dúvidas
Porém, esta proteçom nom implica nengum projeto encaminhado a sua recuperaçom nem a posta em marcha de medidas específicas para a repovoaçom das suas áreas.
Até agora, o Governo galego só tinha aprovado o plano de recuperaçom do urso pardo, que está em processo de revisom, já que o único que se conseguiu foi que, de cando em vez, se veja algum urso nos montes ancaraos que descem das Astúrias, mas sem presença estável.
