Baixo o lema "a ciencia fala, os gobernos non actúan", organizacións da sociedade civil denunciaron onte en Vigo a inacción dos líderes mundiais ante o cambio climático. Os expertos da ONU, que se reúnen na cidade galega, sinalan a actividade humana como a causa principal dos graves impactos do calentamento global.
Entre os días 5 e 9 de novembro, Vigo acolle a terceira reunión de expertos do Panel Intergubernamental de Cambio Climático (IPCC). Preto de 300 científicos procedentes de todo o mundo evalúan neste encontro as diferentes opcións de mitigación do cambio climático mediante a limitación das emisións de gases de efecto invernadero (GEI).
Coalición Clima, Amigos da Terra, Verdegaia, ADEGA, SGHN, CCOO, SEO/Birdlife, Greenpeace e Ecoloxistas en Acción saíron á rúa o primeiro día de reunión. "O furacán Sandy volve demostrarnos que loitar pola xustiza climática non é un luxo en tempos de crise senón unha necesidade urxente", asegurou Tom Kucharz, membro da coalición.
As organizacións sociais esixen ao Goberno que escoite as recomendaciones científicas e tome medidas concretas que garantan a redución de emisións e eviten as peores consecuencias do cambio climático. No último informe, publicado en 2007, o IPCC sinala que o cambio climático é inequívoco e alerta de que se non se avanza con urxencia nas políticas de redución, as emisións mundiais de GEI seguirán aumentando e agravando os efectos do cambio climático.
Foto: Amig@s da Terra
