Em lugar disso, continua a ser sumidoiro para venenos industriais. Nesta ocasiom, como sempre acontece, a maré negra do Lagares tem responsáveis: Aqualia e o Concelho de Vigo. Fôrom os primeiros quem deitárom águas tóxicas sem tratar por nom manter em condiçons as canalizaçons que as transportam. Agora os segundos, por meio de Abel Caballero, pretendem botar as culpas a outras administraçons por nom nos pagar instalaçons mais modernas.

Caballero teima mesmo em defender a renovaçom da depuradora de Corujo como meio para evitar mais acidentes, quando é precisamente este modelo de depuraçom o que causou este vertido. Que esperavamos levando todas as águas contaminantes a um mesmo ponto? Isto vai continuar a passar por muito que modernizem a depuradora, o entorno da mesma vai ser objecto de permanentes catástrofes ambientais como esta.

Vizinhança e movimentos ambientalistas coincidem em defender um modelo de depuraçom descentralizado que minimize o risco de grandes incidentes e que permita a rápida substituiçom das partes da rede que pudessem deixar de funcionar. Em cámbio, o governo municipal prefire que cousas como esta continuem a passar.

De NÓS-Unidade Popular exigimos que Aqualia pague imediatamente a reparaçom do dano causado. Além disso, reclamamos um plano de recuperaçom e protecçom para o rio Lagares que inclua o desmantelamento da actual depuradora de Corujo e a criaçom dumha rede de depuraçom descentralizada.