Ante as últimas informacións aparecidas nos medios de comunicación, a todas luces contradictorias e confusas e verquidas por diferentes cargos públicos e pola propia Xunta de Galicia, demandamos que se faga un exercizo de responsabilidade e se fale xa dunha vez de forma clara neste asunto.
A preocupación veciñal é demasiado importante para que dende Santiago este tema sexa tomado a lixeira. Xa é hora de acabar cos enfrontamentos entre pobos e veciños orixinados dende o principio polo anuncio deste proxecto así como coas dúbidas e especulacións que a actual situación está a xerar.
Dende o mes de Decembro, en que foi anunciado este proxecto polo Conselleiro de Medio Ambiente, a falta de transparencia e de claridade foi a tónica dominante e temos a convicción de que á cidadanía débeselle outro tratamento por parte dos representantes do goberno elixidos por ela.
As movilizacións populares do Irixo, Carballiño e Lalín denotaron ás claras que a preocupación é máxima e que a xente non está disposta a admitir que nin por intereses empresariais, nin públicos habendo alternativas máis acertadas neste eido, nin de calquera outra índole se xogue co noso futuro.
Por todo isto pedímoslle a Xunta de Galicia que nos remita á maior urxencia posible unhacomunicación oficial do seu posicionamento ao respecto sen ambigüidades nin medias tintas e aclare dunha vez por todas se segue adiante ou non coa idea de instalar a PLANTA INCINERADORA DE RESIDUOS no Irixo.
Foto: Candidatura do Povo