Este lume é mais um que se declara nas imediaçons de um espaço natural de especial valor e fai parte da maior tragédia ambiental que sofre o nosso país; umha tragédia esquecida e silenciada que é a perda dos nossos bosques por obra dos incêndios.

O monte foi-se desabilitando como bem social com a reconversom do campo, e isto provoca o seu abandono, sendo alvo fácil para o lume. E nom há nengumha política real para implicar a populaçom na defesa do monte nem para revalorizar o monte como espaço e como recurso.

Por outra parte exigimos a demissom fulminante do Conselheiro de Meio Rural e do Mar, e o esclarecimento da origem, sem fabulaçons e sem vaguidades, deste lume. Continua sem haver transparência sobre as causas do lume, o que reforça a nossa tese de que nom interessa chegar ao fundo do assunto, talvez porque os setores interessados nesse lume estám próximos ao governo autonómico.

Há umha combinaçom de fatores que vam jogar fatalmente em favor do lume; o clima seco que se espera para o resto do verao e também a privatizaçom de parte do serviço de prevençom e extinçom de incêndios, cortando plantel de trabalhadores e trabalhadoras, verificando-se um deplorável estado de conservaçom do parque móvil e em definitivo, deixando os nossos montes a mercé dos lumes mais do que nunca.

Os setores conscientizados do povo devemos assinalar e isolar a todo elemento manifestamente relacionado com interesses incendiários.

Direçom Nacional de NÓS-UP

1 de agosto de 2012