O vindeiro 16 de outubro arranca a vista oral polo Prestige, coincidindo prácticamente co décimo aniversario do desastre medioambiental acontecido na Galiza a resultas do afundimento deste petroleiro en novembro de 2012. O fiscal superior da Galiza, Carlos Varela, vén de informar, segundo recolle efe, que este organismo solicitará unha compensación de entre mil millóns euros, como mínimo, polos danos á saúde das persoas e danos ecolóxicos xerados a raíz do afundimento. Esa cantidade, segundo recoñeceu o propio Varela, podería mesmo chegar a ser "incluso o doble", o que suporían dous mil millóns.
Varela enfatizou a importancia de que, por primeira vez, sinalou, se pida desde a Fiscalía unha reparación económica por danos e prexuizos relativos "á fauna e saúde das persoas".
Responsabilidade civil
No que atinxe á responsabilidade civil, a cantidade reclamada ronda os 1.300 millóns de euros. Medio cento de avogados defenderán ás 2.128 partes persoadas. No xuizo, que se calcula que se prolongue até finais de maio de 2013, admitíronse 133 testemuñas e 98 probas periciais.