O trabalho, definido como "colaborativo" e "de denúncia e oposiçom á destruiçom do País", sintetiza de maneira gráfica as centenas de agressons e conflitos que atravessam a geografia social e humana galega, com componentes ambientais, económicas e de discriminaçom.

A iniciativa denuncia a destruiçom quotidiana protagonizada polo modo de exploraçom capitalista sobre o território nacional galego, sob três parámetros fundamentais: o meio, a sociedade e a economia. 

Os coletivos promotores da iniciativa afiram que a ideia foi "recolher nesta cartografía crítica alguns dos elementos centrais na luita pola defesa do que é de toda a cidadania, do Procomum", em referência ao que denominam "essa constelaçom de recursos que deve ser ativamente protegida e gerida na procura de manter o bem comum".

No mapa assinala-se geograficamente um grande número de pontos críticos onde "se está a dirimir o futuro dos nossos ecossistemas sociais". O objetiov é colaborar para que, com o conhecimento dessas agressons e atividades de defesa do meio, se tornem tangíveis fisicamente "essas luitas com as quais pretendemos, coletivamente, transformar e conquistar o futuro".

O Mapa Crítico 2012 foi dedicado polas entidades promotoras "a todas aquelas pessoas anónimas que, combativas e rebeldes, ponhem o coraçom e a cabeça na defesa deste país. A todas, mas em especial a umha: Xosé Reigosa, um galego bom e generoso, um imprescindíbel. Vai por ti Xosé!".

O mapa pode ser descarregado em PDF aqui.

Mais informaçons nos sites da Rede de Direitos Sociais e de GZNSV.