Porque estamos en contra?
Porque hoxe en dia hai métodos mais éticos que torturar animais para calquer fin cientifico.
Nos laboratorios fanse prácticas horrendas a animais de pequeno e gran tamaño, sen esquecer que son confinados toda a sua corta vida. Hoxe contamos con grandes avances coma as realizadas en tubos de ensaio(in vitro), estudios clínicos e epidemiolóxicos, tecnoloxía computacional moderna, cultivos en células e tecidos (sanguíneas, texidos humanos, células da placenta, etc.), experimentos con microorganismos, a propia practica clinica, ...
Porque nestas datas de "tijeretazo" estamos mais preto da privatizacion dos servizos públicos, e isto tamén lle afectara a universidade...as fármaceuticas contrataran os servizos de este centro de experimentacion e pouco quedara pra que se fagan as donas e señoras da facultade.
Porque o 70% dos cartos proveñen dos Fondos Feder, adicados a reducir a diferenza entre as rexions de Europa e favorecer asi o desenvolvemento das zonas mais desfavorecidas. Fondos pra invertir en investigación e desenvolvemento tecnoloxico (IDT), sociedade da información, medio ambiente, prevención de riscos, turismo, cultura, transporte, enerxía, educación, infraestructuras sanitarias e sociais, axuda directa as inversions en pequenas e medianas empresas.
E si as univesidades de mais prestixio coma as de Harvard, Stanford o Columbia deixaron de facer os experimentos cos animais, ¿por que unha das mellores de Europa coma é a de veterinaria de Lugo decide implantala nas suas instalacions?, pois todo se traduce en cartos pra o sector privado...
A propia Directiva EU 86/609/EC, no seu artigo 7.2 di: "A experimentación animal non debe levarse a cabo se existe algún outro método científico razonable, satisfactorio e dispoñible de obter o máximo resultado, sen que interveña o uso animal".
Convoca: Asamblea Anarquista de Lugo