Lá, o chefe de mantenimento de Reganosa, Jesús Losada Maseda, dava umha ponência sobre o processo de operativos dumha planta de gás natural liquado, como a ubicada em Mugardos. Mui longe dos serviços científicos e do contributo crítico que a universidade deve oferecer ao estudantado e à sociedade em geral, este acto encenou umha descriçom asséptica e propagandística dum cargo directivo da empresa contaminante que tem desfeito a paisagem natural, os bancos marisqueiros, a produtividade e o futuro da ria, e a soberania galega sobre a nossa produtividade energética, entre outros atentados.
Representantes do Comité Cidadám aguardárom à turma de intervençons para desacreditar o orgulho capitalista do ponente, criticando que nom figesse referência aos aspectos negativos do processo desde a extracçom do gás até a sua chegada e processo de tratamento e armazenamento na nossa ria.
De AGIR denunciamos a utilizaçom das grandes empresas capitalistas de participaçom da burguesia galega, como esta, nas universidades para promocionar os seus interesses em contra dos do Povo Trabalhador.