A nossa organizaçom, mais um ano, soma-se a esta convocatória para exigir o feche e desmantelamento definitivo deste complexo industrial altamente poluinte que destrói o nosso ecossistema, a qualidade de vida na comarca e impede um desenvolvimento económico alternativo, compatível com a conservaçom do meio e a saúde da populaçom.

Neste ano, a importáncia da Marcha vem marcada pola urgente demanda da nom renovaçom das Autorizaçons Ambientais Integradas a ENCE e Elnosa concedidas no pasado 2008 polo bipartido PSOE-BNG. Assim mesmo, som preocupantes as declaraçons da Ministra espanhola de Meio Ambiente Rosa Aguilar (PSOE) referindo-se à possível arbitrariedade na aplicaçom da Lei de Costas para esta indústria "tendo que valorar os pros e os contras do seu desmantelamento", quando é umha realidade objetiva que continua incumprindo a legislaçom vigente, tanto em materia de vertidos como no grande impacto ambiental e atmosférico que produz o seu empraçamento. A crise económica atual nom pode ser mais umha escusa que justifique qualquer demora no cessamento da sua atividade e na recuperaçom ecológica da zona.

Nom acreditmos nos jogos eleitoralistas dos diferentes partidos no poder, nas promessas que só servem aos interesses deles próprios e das grandes empresas do capital. Tam só mediante a organizaçom e a mobilizaçom popular atingiremos o objetivo de botar esta destrutiva fábrica da Ria de Ponte Vedra e da Galiza.

Nom à Renovaçom das AAIs!

ENCE – ELNOSA FECHE JÁ!

Ponte Vedra, 8 de junho de 2011