Segundo revela a investigaçom do Novas da Galiza n.º 142, algumhas das companhias deste empresário recebêrom as encomendas de acondicionar a bateia de que saiu o pelotom em Vila Nova de Arouça e de transportar os corredores por mar, trabalhos polos que teria ingressado vários milhons de euros.
Nas páginas do novo número do Novas também se pode encontrar a análise do politólogo catalám Xavi Miquel sobre as novas interrogantes abertas no panorama político da Catalunha após a consulta do 9 de Novembro. Por sua parte, as integrantes da Assembleia Cultural Galega de Barcelona falam numha entrevista sobre o seu labor de promoçom da cultura galega na outra beira da península, «rachando com um galeguismo caduco e folclorista».
Nas páginas interiores, destaca a reportagem sobre a greve frustrada no Diario de Pontevedra e a situaçom de precariedade no setor jornalístico. Pola sua parte, a secçom de Economia está dedicada a fornecer umha outra visom do Produto Interior Bruto e questiona a capacidade deste índice para refletir a realidade económica e social, ao tempo que apresenta alguns dos macro-indicadores alternativos existentes.
Entrevista a Xosé Lois Garcia
Umha conversa com Xosé Lois García é o limiar de Cultura. Apesar dos seus profundos conhecimentos e vínculos com a literatura africana de expresom portuguesa, Xosé Lois é ainda um desconhecido para grande parte do reintegracionismo galego. As novas propostas do panorama musical galego som o centro das páginas de Cultura, com umha entrevista com a cantante de jazz Mónica de Nut e umha outra comRicardo Cascalhar, da editora galego-portuguesa Língua Nativa.
Já em Desportos, a jogadora de ráguebi Vanesa Rial defende numha entrevista a capacidade da Galiza para competir com umha seleçom própria nesta disciplina. Outros conteúdos como os artigos da jornalista catalám Maria Manyosa Masip, José Ángel Brandariz e Séchu Sende ou a entrevista com o projeto de cosmética ecológica Druantia completam este número 142 do Novas da Galiza.
Assinar o Novas
Quem quiser receber o Novas da Galiza em casa, por apenas 2 euros ao mês, pode simplesmente enviar um e-mail com os seus dados ao endereço assinantes@novasgz.com ou preencher o formulário on-line.
