Com este novo portal da juventude da esquerda independentista galega pretendemos dotar-nos dum perfil adequado à interaçom com as redes sociais e à ordenaçom mais apropriada dos conteúdos. Folga dizer que as ferramentas comunicativas, como todo, está sujeito ao desgaste do tempo, caducam, e cumpre atualizá-las para que continuem a cumprir o seu objetivo, ou melhor dito, aperfeiçoá-lo.

Continuamos isso sim contando com as habituais seçons, se bem colocamos em destaque o nosso trabalho formativo através do Xerfas ediçons, a nossa humilde editora, e a loja em que podedes aceder ao material editado pola organizaçom.

Prometemos, com a ajuda e o compromisso de quem nos seguides por este canal, melhorar as responsabilidades de comunicaçom, tam importantes para coesionar a juventude à volta das ideias-força que devemos erguer na dura batalha deste presente de miséria espanhola e capitalista por umha Galiza livre, vermelha e lilás.