Eis a listagem com as dez matérias sobre a Galiza mais visitadas no Diário Liberdade em 2013.
1º - Obrigadas: Sucesso coletivo na campanha de financiamento do Diário Liberdade. 25/03/2013. A notícia mais lida polas galegas e galegos no Diário Liberdade em 2013 foi a que acompanhou a campanha de financiamento deste meio. Ultrapassamos os 1.600R$ / 600€ previstos.
2º - Porque querem que o maquinista leve as culpas? Negócio de consórcio espanhol no Brasil em risco. 27/07/2013. O acompanhamento do dramático acidente de comboio de 25 de julho em Compostela despertou, naturalmente, o interesse de leitoraes leitoras. 2.800 milhons de euros é o dinheiro em jogo na licitaçom das obras do comboio de alta velocidade que unirá as cidades de São Paulo e Rio de Janeiro, à qual aspira um consórcio espanhol e que será decidida em setembro. Entre os critérios de seleçom, figura a exclusom de qualquer companhia responsabilizada por um acidente fatal nos últimos cinco anos.
3º - Nasceu 'Galiza pola Soberania', iniciativa suprapartidária pola construçom da República da Galiza. 07/07/2013. Iniciar o caminho que conduza à plena soberania galega, mediante a construçom de um Estado próprio, é a tarefa autoimposta polas mais de duas centenas de pessoas que participaram de partida na iniciativa.
4º - Diário Liberdade lança campanha de financiamento. 14/02/2013. Para a campanha DL lançou vídeo promocional com tema dos Avante! Necessitava 600€ e juntou-os, com apoio de mais de 50 pessoas.
5º - [Galeria fotográfica] Galiza voltou a mobilizar-se massivamente polo galego e contra a imposiçom do espanhol. 27/01/2013. Apesar da forte chuva que caiu sobre a capital da Galiza, a praça da Quintá encheu-se ao meio-dia com milhares de pessoas em defesa de um ensino em galego e contra a imposiçom espanhola.
6º - [Galeria de imagens] Massiva manifestaçom por umha Galiza livre de minas. 02/06/2013. Espectacular protesto unitário fijo ficar pequena a Praça da Quintá. Unidade no apoio a umha Galiza livre de minas.
7º - Mobilizaçom unitária da esquerda soberanista reclamou em Compostela "ruptura democrática". 03/03/2013. Pola primeira vez na história, hoje foi possível ver em Compostela umha mobilizaçom confluente de quase todas as correntes da esquerda nacional galega, com a significativa ausência de Anova.
8º - Grupo promotor formado por mais de 130 pessoas lança iniciativa pola Soberania da Galiza. 05/05/2013, No dia 4 de maio, decorreu em Compostela a primeira reuniom do grupo promotor de umha plataforma plural de pessoas que pretendem socializar a consciência nacional e a necessidade da soberania para a Galiza.
9º - Procurador mantém criminalizaçom do independentismo galego e pede 64 anos de prisom. 26/06/2013. O julgamento, qualificado de "político" por diferentes setores sociais, mediáticos e do movimento popular galego, permitiu o Estado espanhol enviar para a cadeia quatro independentistas, um precedente que agravará futuras condenas, mediante a afirmaçom da existência de umha organizaçom dita "terrorista", denominada Resistência Galega e cuja existência ninguém na Galiza reconhece, a nom ser o Partido Popular.
10º - Bloco Laranja reintegracionista voltará às ruas na manifestaçom pola língua de 27 de janeiro. 16/01/2013. Diversas entidades sociais reintegracionistas de diferente tipo acordárom participar de maneira ativa e conjunta na manifestaçom convocada para 27 de janeiro em defesa do galego.
