1 1 1 1 1 1 1 1 1 1 (4 Votos)

Foto - Diário Liberdade - Espanha ardeGaliza - Diário Liberdade - A luita nacional da Galiza, emitida ao mundo lusófono em tempo real. Como novidade, teremos vídeo e áudio ao vivo.


Mais um ano, e já vam quatro, o Diário Liberdade dedicará um acompanhamento especial ao Dia da Pátria. Para além da atividade informativa habitual durante os dias anteriores, desde a tarde de dia 24 e até a conclusom dos atos programados para dia 25 de julho, Dia da Pátria Galega, informaremos desde as ruas e ao vivo de todo o que acontecer em relaçom a este importante dia para a Galiza.

O acompanhamento será feito, como habitualmente, através do twitter. Ainda, habilitaremos umha janela no destaque principal do Diário Liberdade em que aparecerám todos os tweets enviados diretamente das ruas de Compostela.

Para as pessoas que já tendes assistido algum acompanhamento ao vivo do Diário Liberdade, como o do Dia da Pátria 2012, indicamos que, diferentemente ao acontecido nas últimas ocasions, desta vez usaremos a nossa conta habitual de twitter, @diarioliberdade, em vez da destinada a acompanhamentos ao vivo. Estamos decididas e decididos a que as mais de 5.000 pessoas que nos seguem nessa rede social saibam o que acontece na Galiza nesses dias.

Como principal novidade, nesta ocasiom emitiremos áudio e vídeo ao vivo dos momentos mais importantes de ambos os dias, para que aquelas pessoas que por um motivo ou outro nom podam estar nas ruas compostelanas podam ver e ouvir diretamente o que acontece. Poderedes seguir o vídeo na capa do Diário Liberdade, na seçom de audiovisual (sob os destaques do dia) e no interior do destaque principal do Diário Liberdade.

A luita pola emancipaçom nacional da Galiza diretamente à lusofonia

O acompanhamento minuto a minuto deste Dia da Pátria permitirá, mais um ano, transmitir ao mundo lusófono a muitas vezes pouco compreendida realidade nacional galega. A histórica dupla luita do Povo Galego pola sua libertaçom (da opressom nacional espanhola e da opressom do regime capitalista) chegará, em tempo real, ao conjunto da nossa audiência, composta por milhares de pessoas no Brasil, Portugal e o resto do mundo. Além, claro, de a principal parte interessada: os galegos e galegas comprometidas com a defesa do seu país e da sua classe.

A necessidade destes acompanhamentos jornalísticos tem ficado patente em ocasions anteriores, sobretodo quando a já tradicional brutalidade da polícia espanhola desempenha o seu papel mais caraterístico.

Por enquanto, este é o programa previsto para os dias 23, 24 e 25 de julho:

Data Horas Nome evento Local
23/07 17:00 Mulheres Livres na Mátria Liberada Bar As Duas (Compostela)
24/07

18:00

20:00

23:00

VI Cadeia Humana pola Liberdade d@s Pres@s Independentistas

Manifestaçom juvenil pola independência

IX Jornada de Rebeliom Juvenil

Praça da Galiza (Compostela)

Alameda (Compostela)

Fac. Eng. Química (Compostela)

25/07

12:00

12:00

12:30

Manifestaçom convocada polo BNG

Manifestaçom convocada por Causa Galiza

Manifestaçom convocada por Nós-UP

Alameda (Compostela)

No Dia 25, o Diário Liberdade na Alameda

Neste Dia da Pátria tencionamos, como já figemos em anos anteriores, estabelecer na manhá do dia 25, coincidindo com as manifestaçons convocadas, umha pequena banca com diferentes tipos de material, incluindo os sucedidos imans com a sereia de Castelao, tam reclamados no ano passado. Convidamos-vos a visitá-la para ver se há algumha cousa do vosso interesse, para dar-nos o vosso necessário apoio económico ou, simplesmente, para conhecermo-nos.

A vossa participaçom, imprescindível

Tanto no dia 24 como no dia 25 de julho apelamos à vossa participaçom no acompanhamento do Dia da Pátria. Lembrade que tanto no twitter @diarioliberdade como no email diarioliberdade@gmail.com podedes enviar-nos fotografias, gravaçons ou simplesmente relatos curtos do que estiver a acontecer ou daquilo que sejades testemunhas. Ainda, se tiveres interesse em participar regularmente no Diário Liberdade, lembramos-che que podes informar-te nesta ligaçom.

Para terminar, queremos salientar que este tipo de acompanhamentos ao vivo, e em geral toda a atividade do Diário Liberdade, só é sustentável com apoio económico regular. Esta é umha excelente ocasiom para dar-nos o vosso, para o qual só é necessário um cartom bancário, com o qual podedes fazer umha doaçom de valor livre aqui (pagamento assegurado pola plataforma PayPal):

Doaçom de valor

 


Diário Liberdade é um projeto sem fins lucrativos, mas cuja atividade gera uns gastos fixos importantes em hosting, domínios, manutençom e programaçom. Com a tua ajuda, poderemos manter o projeto livre e fazê-lo crescer em conteúdos e funcionalidades.

Microdoaçom de 3 euro:

Doaçom de valor livre:

Última hora