Radicais, a truita que era salmom e jornalistas que nom som tais
A jornada de protestos populares que decorreu em Ponte Areias 19 de março é umha dessas datas que ficará na memória coletiva para sempre. A fugida do alcaide e concelheiras e concelheiros do PP por umha janela traseira da Cámara Municipal, recolhida em diversas fotografias, é boa prova de que "som poucos e covardes".
À porta, a polícia local cumpria com a ordem de impedir o acesso ao prédio, deixando fora a vizinhança e oposiçom que assistiam à sessom plenária. Perante isto, tem lugar umha pequena escaramuça na qual cai ao chao Marcial Cernadas, chefe da polícia local, a quem os seus subordinados deixaram só quando o fechamento.
A imprensa ao dia seguinte recolhe a notícia da vergonhosta fugida, mas começa a desviar a atençom para "radicais" que teriam sido os causantes na porta por meio do uso de "extrema violência", do acidente laboral de Marcial. Extrema violência é umha expressom que nom se ouve nem quando um país bombardeia outro mas, é claro, a fugida pola janela necessitava acontecimentos o suficientemente alarmantes como para tapar o ridículo.
Após mais um dia, Solla, em declaraçons à imprensa, afirma também que os responsáveis do acontecido eram independentistas radicais. A imprensa alimenta e amplifica essa focagem da nova e a fugida de Solla e demais pola janela de atrás passa a segundo plano. A televisom aterra em Ponte Areias para lavar a cara do alcaide
A 22 de março, era detido A.J.P.R, com o qual manifestamos a nossa solidariedade, quem a imprensa vincula à nossa organizaçom, nom errando aquela que afirmava que fora filiado no passado. Ao contrário contra, José Luis Méndez, quem fora diretor geral de Caixa Galicia e principal responsável dessa entidade polo calote das preferentes até a fusom com Caixanova, percebeu 11,2 millones de euros, desfrutando da mais absoluta impunidade. Nom houvo um só detido ainda perante o calote massivo.
Para aproveitar o clima gerado, também falam de NÓS-Unidade Popular como organizaçom recentemente integrada no BNG. Isto último no Atlántico Diario, cuja responsável na Comarca, Rosa Maria Tebar, afirmava que a informaçom foi copiada e colada dumha nota remetida pola Guarda Civil (sic).
O Faro de Vigo informava no mesmo dia que noticiava a acusaçom de Solla a independentistas, que um jovem em Mondariz pescara umha truita de 5,5 quilogramas e que o alcaide, também do PP, felicitava o pescador. A truita resultou ser um salmom macho, cuja pesca é ilegal até 1 de maio, exceto no Minho. A pegada genética que deixam no rio estes peixes que sobrevivem ao desovamento é valiosíssima.
Desde já mesmo, ponho novamente a disposiçom das pessoas encarregadas de fornecerem a "informaçom" através dos meios de comunicaçom tradicionais, o meu número de telefone: 633 410 401. Informarei de boa vontade a respeito de quando um detido é ou nom membro da nossa organizaçom, de se estamos ou nom integrados noutra força política e até, se for preciso, de se o que sai numha imagem é truita ou salmom.