As pessoas que acompanham o percurso iniciado pola nossa dorna no passado 8 de Fevereiro sabem que este é um projecto aberto e em evoluçom permanente. Dentro do processo de construçom deste espaço comunicativo, o colectivo que integra o DL marcou desde o início como objectivo o estabelecimento de acordos de colaboraçom com projectos irmaos dos povos que luitam polas mesmas causas emancipatórias que guiam a nossa actividade.
Primeiro foi Kaos en la Red, meio contrainformativo de ámbito hispano; posteriormente, o portal brasileiro Carta Maior; a seguir foi a vez do basco Boltxe; agora anunciamos a formalizaçom de umha nova parceria, com um portal de ámbito continental latino-americano e das Caraíbas: Pátria Latina, escrito em português do Brasil e dirigido polo jornalista brasileiro Valter Xéu.
O intercámbio de logo-banners e de informaçom é a base do acordo, com o qual inserimos o Diário Liberdade no palco internacional dos povos que, como nós, luitam pola derrota do capitalismo. Achamos que o da informaçom alternativa, produzida e difundida polos próprios e as próprias protagonistas, é mais umha ferramenta nessa luita.
Apesar das diferenças que podam existir, ou mesmo graças à riqueza que representam essas diferenças, entre as linhas editoriais de uns meios e outros, o fortalecimento de umha rede comunicativa que ajude a conhecer melhor as luitas de uns e outros povos é positivo para todos.
Voltamos a anunciar que esta nova parceria nom é a última. Vamos continuar a abrir a Galiza ao mundo, através da nossa língua e da língua universal da luita contra os poderosos, por um mundo livre.
Aproveitamos a ocasiom para fazer público reconhecimento dos nossos portais parceiros e recomendar às nossas e aos nossos visitantes incorporá-los às suas páginas de referência.