A revista conta com um amplo dossier sobre os X anos de vida da Unidade Popular no que se reproduzem alguns dos mais importantes documentos e posicionamentos públicos desta década.
Além da reportagem sobre a festa do X ainiversáro realizada 5 de julho, e de diversas iniciativas nacionais desenvolvidas nos últimos meses, tem umha longa entrevista ao operário metalúrgico Telmo Varela, atualmente preso na Lama.
A seçom de internacional analisa a situaçom de Euskal Herria.
Reproduzimos integramente o editorial
Neste ano, a nossa organizaçom cumpre umha década de existência e de luita. Desde que em junho de 2001 a nossa Assembleia Nacional Constituinte, último passo do Processo Espiral, deu forma a NÓS-Unidade Popular, o povo trabalhador galego tem encetado múltiplas luitas nas quais a esquerda independentista e socialista galega estivo presente. Nas greves gerais e no movimento obreiro, nas mobilizaçons em defesa da língua, em defesa do território e do meio, no movimento feminista, na recuperaçom da memória histórica, argiculando candidaturas municipais de esquerda soberanista e anticapitalista... as e os militantes da Unidade Popular levamos dez anos mantendo em pé a bandeira da Galiza rebelde.
Porque, como lembrava o nosso porta-voz nacional, Alberte Moço, no ato político-romaria popular de 5 de junho em que celebramos estes dez primeiros anos de andaina, se algo merece ser celebrado é o trabalho e a vontade demonstrados durante este tempo polas companheiras e companheiros que militam e militárom na Unidade Popular, e que nos permitírom chegar até aqui apesar das dificuldades e da repressom que acompanham todo movimento revolucionário.
Chegamos a este ponto num contexto social e político marcado pola dura crise que o sistema capitalista está a viver e que os governos espanhol e autonómico, em maos de PSOE e PP respetivamente e às ordens da burguesia, estám a fazer pagar à classe trabalhadora, às mulheres, à juventude e à naçom galega, um contexto que exige às organizaçons revolucionárias estarmos à altura das circunstáncias.
O descontentamento social tivo ainda umha resposta popular mui limitada, concretizada nas greves gerais do 29-S e do 27-J ou expressada de maneira contraditória e desfocada polo movimento d@s indignad@s. A esquerda revolucionária galega ainda nom conseguiu ganhar confiança e apoios maciços das classe populares, de oferecer umha alternativa aos becos sem saída que oferece o reformismo.
Além do mais, o regime, que sabe que este descontentamento social é o meio em que melhor se movem as organizaçons e movimentos que, como NÓS-Unidade Popular, ponhem em questom o sistema capitalista e as instituiçons impostas ao povo galego na Transiçom, está a endurecer a repressom com operaçons e castigos exemplarizantes contra os luitadores e as luitadoras mais entregad@s. O encarceramento dos obreiros e sindicalistas Miguel Nicolás e Telmo Varela pretende criminalizar a luita obreira conseqüente e impedir o crescimento da consciência de classe e nacional. Cumpre ter presente isto e denunciar e combater a repressom espanhola.
Este é o contexto em que a militáncia de NÓS-Unidade Popular aceitou o repto de iniciar umha nova etapa à qual damos início com a necessária convocatória de umha manifestaçom independentista para o Dia da Pátria deste ano.
Com efeito, este 25 de Julho decorrerám na capital da nossa Naçom três manifestaçons, expressom de três visons diferentes da realidade galega atual. A do reformismo regionalista do BNG, auto-reconhecido dique de contençom do mal-estar popular e, por tanto, cúmplice do sistema criminoso que padecemos; a do soberanismo de prática conciliadora com o Bloque; e a do MLNG revolucionário, a manifestaçom independentista, socialista e feminista que convoca NÓS-Unidade Popular.
Superados polo tempo e as circunstáncias os debates sobre reformas estatutárias e os projetos de mínimos que nom questionam abertamente o sistema capitalista, é a nossa responsabilidade sermos capazes de dar à raiva popular umha saída política revolucionária. Temos mais experiência que há dez anos e temos, sobretodo, a mesma vontade de luitar sem descanso até atingirmos umha Pátria plenamente emancipada.
Viva a Unidade Popular!
