Umha das principais tarefas que o Coletivo Editor do Diário Liberdade desenvolve dia a dia é difundir todo o tipo de informaçons relacionadas com os movimentos sociais e organizaçons políticas, a partir dos envios que nos fam via e-mail, ou mesmo procurando os conteúdos nos seus sítios na internet. Porém, esse trabalho tem os seus limites, já que nem sempre conseguimos dar saída a todo o material recebido, por incapacidade da equipa humana que cada dia trabalha no DL.
Para tentarmos avançar na cobertura das luitas e iniciativas dos movimentos populares da Galiza, Brasil, Portugal, Angola e resto da lusofonia e do mundo, levamos algum tempo trabalhando na soluçom técnica que permita dar resposta a mais material do muito que recebemos dia a dia. Para isso, ativamos desde já umha nova seçom, chamada 'Publicaçom Aberta', que permite que qualquer leitor ou leitora, a partir de um simples registo, tenha possibilidade de colocar diretamente no nosso gestor de publicaçom, em poucos minutos, todas as matérias que considerar interessante que difundamos.
A nossa intençom é conjugar a máxima agilidade com a liberdade de fazer propostas, se bem com o imprescindível controlo dos conteúdos que publicamos, para evitarmos a difusom de conteúdos alheios aos princípios e orientaçom do DL. Por isso, as matérias propostas ficarám pendentes da aprovaçom do Coletivo Editor, que também poderá editá-las para arranjar os problemas técnicos que puderem existir, garantindo assim umha qualidade equivalente à existente até hoje nos materiais publicados no Diário Liberdade.
As pessoas registadas que colaborem na publicaçom de conteúdos terám acesso ao histórico de matérias que já publicárom, onde também poderám fazer correçons nas que estám pendentes de serem publicadas polo Coletivo Editorial. Progressivamente, esperamos poder oferecer mais funcionalidades aos colaboradores e colaboradoras, na medida que este tipo de propostas de colaboraçom funcionem.
Lembramos que este meio carece de fins lucrativos e que unicamente aspira a ser umha ferramenta o mais efetiva possível, ao serviço das luitas sociais e das iniciativas das diferentes correntes da esquerda revolucionária.
Agradecemos desde já a vossa colaboraçom e convidamos a que comecedes a ser parte ativa da equipa humana que forma o Diário Liberdade, pedindo desculpa polos erros técnicos que puderem existir nesta fase inicial da seçom de Publicaçom Aberta.
Como sempre, podedes fazer as vossa propostas e sugestons através do nosso e-mail:
diarioliberdade[arroba]gmail.com
Coletivo Editor do Diário Liberdade.
