Umha política que agudiza a divisom entre bairros e classes. Os centros de saúde, o transporte urbano, os subsídios a eventos desportivos espanhóis, subsídios a companhias aéreas... e agora a malversaçom de fundos públicos no empenho de situar o barco Bernardo Alfageme numha das rotundas de Coia.Como aconteceu em Cabral, Abel Caballero empregou as forças de repressom municipais para tentar frear a resistência vizinhal e esmagar os legítimos protestos. Mas nom o conseguirá!

Solidarizamo-nos com os vizinhos e vizinhas que estam pendente dum juízo ou sofrem perseguiçons e multas por defender os interesses do povo trabalhador viguês.

Numha cidade com mais de 35.000 desempregad@s, com centenares de pessoas sem vivenda onde morar, com umha elevada taxa de emigraçom juvenil, perante o incremento da exclusom social... nom podemos permitir este esbanjamento de dinheiro público em construçons faraónicas.

Por isso, de NÓS-UP apoiamos a manifestaçom convocada pola Assembleia Aberta de Coia sob a legenda "JUSTIZA SOCIAL. NEM CARTOS NA ROTUNDA, NEM ESTADO POLICIAL!",  vindouro dia 16 de janeiro às 20h00 desde praça de America até a rotunda de Coia.

Nom à rotunda de Coia!

A luita é o único caminho!